كــ،،ــرزه ~~ مشرفة القسم العام ~~
عدد الرسائل : 178 السيرة الذاتية : طالبهـ الأنمى المفضل : رومنسيــه تاريخ التسجيل : 25/04/2008
| موضوع: يالله نرجع زمان أول الإثنين أبريل 28, 2008 1:09 pm | |
| السلام عليكم ورحمة الله وبركاته يالله نرجع زمان أول نرجع لأجدادنا وحزاياهم والسوالف اللي تحليها الأمثال :- أمثال كويتيه أمـثـال : • أبو طبيع ما يجوز من طبعه • إذا بغيت صاحبك دوم حاسبه كل يوم • إذا حبتك عيني ما ضامك الدهر • إذا حجت البقر على قرونها • إذا حضر الماء بطل التيمم • إذا صار رفيجك حلو لا تاكله كله • إذا طاح الجمل كثرت سكاكينه • إذا طبع دوس على تريجه • إذا فات الفوت ما ينفع الصوت • إسأل مجرب ولا تسأل طبيب • إش حادك يا المسمار ؟ قال المطرقه • إصرف ما في الجيب يأتيك ما في الغيب • أضبط من ساعة الملا • اقبض من دبش • أقضب مجنونك لا يجيك أجن منه • إكل ما تشتهي وإلبس ما يعجب الناس • إما طلعه ولا طبعه • إن طاعك الزمن وإلا طيعه • إنطر يا حمار لما يجيك الربيع • إنفخ يا شريم قال ماكو برطم • الباب اللي يجيك منه الريح سده وإستريح • بات مظلوم ولا تبات ظالم • بغاها طرب صارت نشب • بغى يكحلها عماها • بغيناه عون صار فرعون • تجيك التهايم وإنت نايم • ثوب أطول منك يعتك • جارك ثم دارك • حاميها حراميها • حشر مع الناس عيد • حط راسك بين رجليك وإشهد على والديك • حط فلوسك بالشمس وإقعد بالذلال (إجلس بالظل) • خبز خبزتيه يا الرفله إكليه • خربان من البيضه • دابة الله بأرض الله • الذيب ما يهرول عبث • راعي النصيفة سالم • رزق القطاوه على الخاملات • زرع الميانين (المجانين) يطلعه رب العالمين • شبعونا طراقات وشبعناهم شتايم • شمامها لمامها • طارت الطيور بأرزاقها • طقاق روحه ما يصيح • الطول طول نخله والعقل عقل صخله • عتيج الصوف ولا جديد البريسم • عمره ما تبخر ، تبخر وإحترق • عومه مأكوله ومذمومه • غصيت فيك يا ماي ، شدفعك في • فال الله ولا فالك • • قال عندك تاكل ؟ قال لأ . قال عندك تغرم ؟ قال إي . • قراقيع صيف • قطو وطقيته بمصير • كثر الدق يفك اللحام • كلٍ بقلبه شيقاليله (شقاء له) • كوم حجار ولا هالجار • لي بغيب الخبر يشيع عطه (أعطه) أم بزيع • لو جريت جري الوحوش غير رزقك ما تحوش • لي طار طيرك قول سبيل • لي فات الفوت ما ينفع الصوت • اللي في الجدر يطلعه الملاس • اللي ما يرضى بجزَه ، يرضى بجزَه وخروف • اللي ما يستحي منك لا تستحي منه • اللي ما يطول العنقود يقول حامض • اللي ما يطيع يضيع • اللي ما يعرف الصقر يشويه • اللي ماله أول ماله تالي • اللي مو على دينك ما يعينك • اللي هذا أوله ينعاف تاليه • اللي يجي من الله حياه الله • ما تعينك إلا يمينك • ما لك إلا خشمك لو كان عوي (أعوج) • مال عمك لا يهمك • مخروش طاح بكروش • مد رجولك على قد لحافك • مداح نفسه يبي له رفسه • مكسورة و تبرَد • من طمع طبع • نصيبك يصيبك • هذا سيفوه وهذي خلاجينه (ملابسه) • الوجه من الوجه أبيض • يا شين شيء ما شابه هله (أهله) • يا من شرا له من حلاله علَه • يفوتك من الجذاب صج وايد • يمدح السوق من ربح فيه مع تحيات اختكم كــ،،ــرزه ان شاء الله تعجبكم الامثال وتفهمون عليهاا | |
|
بنوته قمر ~~ المديرة العامة ~~
عدد الرسائل : 612 السيرة الذاتية : طالبة تاريخ التسجيل : 21/12/2007
| موضوع: رد: يالله نرجع زمان أول الإثنين أبريل 28, 2008 7:38 pm | |
| | |
|
كــ،،ــرزه ~~ مشرفة القسم العام ~~
عدد الرسائل : 178 السيرة الذاتية : طالبهـ الأنمى المفضل : رومنسيــه تاريخ التسجيل : 25/04/2008
| موضوع: رد: يالله نرجع زمان أول الثلاثاء أبريل 29, 2008 2:42 pm | |
| | |
|